Marine Lavigne ha Kadvael Jolivet a zo, pep hini en o doare, dazont ar c’hompoziñ e brezhoneg. Asantet o deus gant plijadur dont da vuheziñ ar staj-mañ o-daou asambles, rak daoust ma ’z eo ar skrivañ un hentad hiniennel alies e c’hall bezañ maget gant ar re all ! E-pad daou zevezh e kinnigint d’ar stajidi ar pezh o deus skrivet ha petra a levezon anezho, ha kinnig a raint ivez c’hoarioù ha poelladennoù skrivañ kanaouennoù a bep seurt stil.

Ur staj evit an holl vrezhonegerien, ar re a skriv dija hag ar re o deus c’hoant da gregiñ ganti, ar re a gan hag ar re ne reont ket. Ul lec’h evit arnodiñ gant fiziañs ha plijadur.